Трета лигаФудбал

Тиверија повторно не се појави на теренот, Каменица Саса добива службени 3:0!

Сподели
Сподели

Натпреварот од петтото коло во Третата македонска фудбалска лига – регион 3, меѓу Каменица Саса и Тиверија, не се одигра откако гостинскиот тим од Струмица не се појави на Градскиот стадион во Македонска Каменица.

По истекот на предвидените 30 минути чекање, гостинот не се појави на теренот, а на теренот биле присутни домашната екипа, судиите и официјалните лица, па се очекува Каменица Саса да го добие дуелот со службен резултат од 3:0. За ланскиот второлигаш ова значи три бода без одигран натпревар, додека Тиверија се соочува со сè посериозна санкција.

Ова е вторпат сезонава струмичкиот состав да не одигра првенствен натпревар. Во третото коло Тиверија не отпатува во Берово за дуелот со Малеш, по што натпреварот беше регистриран со службени 3:0 за домашниот тим.

Резултатите на Тиверија во досегашниот тек од сезоната дополнително ја отсликуваат тешката ситуација на екипата. Во првото коло струмичани загубија со убедливи 11:0 на гостувањето кај Овче Поле, а потоа на домашен терен претрпеа пораз од Дојранско Езеро со 0:13. По службениот пораз од Малеш, во четвртото коло Тиверија загуби од Хоризонт Турново со 2:10.

Со новото неодигрување на натпреварот, Тиверија бележи уште еден сериозен проблем во натпреварувањето. Доколку продолжи ваквата ситуација, клубот би можел да се соочи и со дополнителни дисциплински последици, согласно правилата на натпреварувањето.

За Каменица Саса, пак, ова значи службено впишани три бода, додека вниманието сега е насочено кон следните одлуки на надлежните натпреварувачки органи во врска со случајот на Тиверија.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракометна репрезентацијаРепрезентација

Македонија ги започна подготовките за ЕХФ ЕУРО 2026 – ракометарките пред европскиот предизвик ќе тестираат со Финска, Италија и Турција!

Женската сениорска ракометна репрезентација на Македонија официјално ги започна подготовките за настапот на Европското првенство – ЕХФ ЕУРО 2026. Македонските ракометарки денеска го...

Ракомет

Паунков: Победата над Струга ќе ни биде ветер во грб, нашата цел е сигурен опстанок

Синоќешната победа на Младост над Струга е силен ветер во грб за продолжението од првенството, особено што во следното коло одново во „Млаз“...

Поврзани написи
Трета лигаФудбал

Скопје ја преполови разликата до Арсими: Варадиновски ја врати надежта во Автокоманда за опстанок

Скопје конечно ја запиша првата првенствена победа сезонава, совладувајќи го Арсими со...

Прва лигаФудбал

Тиквеш се одвои од Вардар: три гола во Скопје за посилен притисок врз врвот

Тиквеш го совлада Вардар со 0:3 на Националната арена „Тодор Проески“ и...

Втора лигаФудбал

Охрид го чува врвот, Кожуф ја изненади Брера, Осогово на бод до Новаци

Охрид, Пелистер и Работнички со победи ја продолжија трката на врвот во...

✕
error: Содржина е заштитена! Се забранува копирање на истата!