Куманово со сигурна победа ја отвори новата сезона во Трета лига регион 2 откако триумфираше над Јуниор од Доброшане со 0:3.
Андреј Јовановски го отвори резултатот по осум минути игра, со што Куманово на полувреме имаше гол предност. Во вториот дел Јовановски со втор гол обезбеди двојна предност, а во 72. минута Ќендрим Абази ги постави конечните 0:3.
Дебитантот од Крива Паланка, екипата на Академија Осогово со пораз ја стартуваше сезоната, откако во Слупчане загуби од Беса со 3:1.
Домашниот тим сите три погодоци ги постигна во првото полувреме, откако Шуајб Бајрами во 10. минута го отвори резултатот, а потоа во 37. минута Харун Касуми ја дуплираше предноста, а пак шест минути подоцна Мерван Фетаи беше прецизен за 3:0.
На стартот од вториот дел Никола Стојмировски постигна гол за конечни 3:1.
Натпреварот меѓу Липково и Влазними од Оризари не се одигра, бидејќи домашниот тим на овој натпревар немал лекар, а на терен биле сите службени лица односно судиите, делегатот, како и домашната и гостинската екипа, а бидејќи немало лекар мечот не стартувал.
Извештајот на Спортска Мрежа за вчерашните мечеви можете да го прочитате овде.
