Некогашниот прволигаш Борец убедливо ја отвори новата сезона во Трета лига регион 3 откако на домашен терен со „лото“ победа го декласираше Млекар со резултат од 7:0.
Хет-трик постигнаа двајца фудбалери односно Пеце Стојанов и Милан Чичевски, а пак Аљбим Јашари беше стрелец на еден гол.
Влазними Јуниор и Росоман ги поделија бодовите на стартот од новата сезона откако одиграа 3:3. Фатон Ибраими и Самир Салиу погодија за предност на домаќинот од два гола, а потоа Кристијан Јованов намали на 2:1 на полувреме.
Во вториот дел домаќинот имаше и 3:1 со голот на Аделин Демири, а потоа прокоцка два гола предност откако Марко Миловановиќ намали на 3:2, а Јованов со втор гол во 90. минута ги постави конечните 3:3.
Ланскиот второлигаш Големо Коњари со триумф ја отвори новата сезона откако на домашен терен со 2:0 го доби Башкими од Јаболчиште.
Двата погодоци беа постигнати во вториот дел, откако Дарко Чапкуноски во 47. минута го отвори резултатот, а печат на победата стави Владимир Зарески во 76. минута.
Извештајот на Спортска Мрежа од вчерашните натпревари можете да го прочитате овде.
