В недела од 19 часот во спортската сала „Јасмин“ во Кавадарци ќе се одигра дербито на 4. коло на Втората футсал лига меѓу двата конкуренти Црна Река и Балкан.
Два поранешни прволигаши, две екипи кои сакаат враќање во елитата, борба за трите бодови ќе биде голем влог за продолжението од шампионатот и позиционирање на патот кон есенски шампион.
Црна Река во оваа сезона влез со една цел – враќање во елитата, еден од најстарите футсал тимот во Македонија сака да се врати каде што е местото во Првата лига, од друга страна Балкан по една сезона во елитата експресно испадна и сега одново најавува борба за враќање во Првата лига.
Црна Река има одличен старт. Во првото коло беше слободна, а потоа на домашен терен го „прегази“ Фудбал Старс од Кочани, а таквата убедлива победата ја потврди и во Штип совладувајќи го ланскиот прволигаш Мал Ајакс со 1:4 во гости.
Балкан од три средби има три победи и максимални девет бодови, добивајќи ја Победа, Овче Поле и Кратово, но сега следува првиот сериозен предизвик во Кавадарци.
Повеќе од јасно е оти ќе има неизвесен меч, Црна Река ќе има предност поради домашниот терен.
Средбата стартува во 19 часот, Црна Река е подготвена за овој предизвик и максимално претпазливо влегува во дерби пресметката од која сака да излезе како победник, а со тие три бодови ќе се израмни со Балкан, но ќе има меч помалку.
