Со два натпревари започна новата сезона во Трета лига Регион 2, сезоната беше отворена ефикасно со дури шест погодоци.
Пчиња победнички тргна откако во Старо Нагоричане со 0:2 славеше над Козјак, но до победата гостинот стигна доста од мечот.
Николче Стојановски во 78. минута го отвори резултатот, а десет минути подоцна Бобан Стојановски погоди за конечни 0:2.
Речица и Победа од Тромеѓа ги поделија бодовите на стартот од сезоната откако ремизираа играјќи 2:2.
Гостинот пропушти два погодоци предност и на крај мораше да се задоволи само со бод. Милан Благојевиќ во 11. минута донесе водство за Победа, а во 23. минута Гоце Насковски погоди за 0:2.
Во вториот дел Речица рано ја намали предност откако Мики Алексиќ во 52. минута постигна гол за 1:2 и со тоа се врати во посериозна игра домашниот тим.
Сепак, кога сите мислеа дека ќе има делба на бодовите, Дарио Јакимовски во 89. минута погоди за конечни 2:2 и делба на бодови, со што го шокираше гостинот, а за радост на домашната публика.
Денес се играат останатите средби за комплетирање на колото.
