Машката сениорска репрезентација на Македонија вчера ги започна завршните подготовки за претстојниот натпревар против Австрија, кој на 30 август ќе се одигра во Виена од 16:05 часот.
Селекторот Жозеп Марија Берокал и неговите асистенти ги пречекаа репрезентативците во „Т Арената“ во Скопје, каде што ќе биде реализиран комплетниот подготвителен период пред заминувањето за Австрија.
Програмата во Скопје продолжува во вторник со два тренинга, од 10:00 и 18:00 часот. Во среда е планирана една тренинг-сесија од 12:00 часот, а дел од денот ќе биде посветен и на видео-анализа и опоравување.
Во четврток репрезентативците ќе имаат активности во теретана, видео-анализа и тренинг, додека во петок е планирано заминувањето за Виена. Летот е во 12:35 часот, а по пристигнувањето во австриската престолнина ќе биде одработен и првиот тренинг.
Последната тренинг-сесија пред натпреварот е закажана за сабота од 15:45 часот. Во недела следува главниот предизвик и дуелот со Австрија, кој започнува во 16:05 часот.
На денот на натпреварот програмата предвидува утринска активација, видео-анализа и последни тактички подготовки пред заминувањето кон арената.
Македонија ја очекува важен натпревар во втората рунда од претквалификациите за Евробаскет 2029, па престојот во Скопје ќе биде искористен за максимална подготовка пред гостувањето во Виена.
