Почнува новиот квалификациски предизвик за македонската машка ракометна репрезентација, која ќе ја отвори трката за пласман на Европското првенство во 2028 година пред домашните навивачи.
Првата пречка за избраниците на Кирил Лазаров ќе биде селекцијата на Луксембург, која гостува во Скопје на 4 ноември. Натпреварот ќе се одигра во среда, со почеток во 19:00 часот, во спортскиот центар „Борис Трајковски“.
Македонските ракометари ќе имаат можност со поддршка од трибините да го започнат квалификацискиот циклус со посакуван резултат, а навивачите веќе можат да обезбедат билети за првиот домашен натпревар.
Влезниците се достапни онлајн преку платформата MK Tickets, каде што може да се изврши купувањето за дуелот со Луксембург.
