Младата фудбалерка Михаела Наумова од фудбалската академија Галактикос доби повик од Фудбалската федерација на Македонија за учество на тренинг-кампот за девојчиња родени во 2013 година.
Наумова е повикана од координаторот на генерацијата, Кире Грбевски, а тренинг-кампот ќе се одржи во периодот од 28 до 30 октомври 2026 година.
Собирот на повиканите фудбалерки е закажан за 28 октомври, во просториите на ФФМ во 10:00 часот или во хотелот „Пандев“ во 11:30 часот.
Повикот од националната федерација претставува значајно признание за младата фудбалерка и нејзиниот досегашен напредок, но и мотив за понатамошна работа и усовршување. За младите спортистки, ваквите собири се можност да стекнат нови искуства, да ги покажат своите квалитети и да напредуваат низ работата со стручниот штаб на репрезентативните селекции.
Од академијата Галактикос со гордост го споделија успехот на својата фудбалерка, упатувајќи ѝ честитки и желби за нови успеси и незаборавни моменти на фудбалскиот терен.
Повикот на Михаела е уште една убава потврда за значењето на континуираната работа со младите категории и развојот на женскиот фудбал во Македонија.
