ИнтернационалциФудбал

Брера Струмица против Хофенхајм за продолжување на европската младинска авантура

Сподели
Сподели

Македонскиот младински шампион Брера Струмица денеска го очекува нов голем предизвик на европската сцена. Струмичани во второто коло од Младинската лига на шампиони ќе се соочат со германскиот шампион Хофенхајм, а натпреварот на стадионот „Младост“ започнува во 14:00 часот.

Избраниците на Ѓорѓе Стојчев до оваа фаза стигнаа откако успешно ја минаа првата пречка, елиминирајќи ја Санта Колома од Андора. На првиот натпревар на гостински терен Брера славеше со 0:3, додека на реваншот во Струмица убедливо триумфираше со 8:0 и со вкупни 11:0 обезбеди пласман во второто коло.

Сепак, сега пред струмичани стои далеку посериозен предизвик наречен Хофенхајм, а квалитетот на германскиот претставник најавува значително потежок двомеч за македонскиот првак.

Во Брера Струмица се свесни за квалитетот на противникот и за предизвикот што ги очекува, но атмосферата во екипата е позитивна. Струмичани веруваат дека со максимална ангажираност, дисциплина и поддршка од домашната публика можат да стигнат до поволен резултат пред реваншот во Германија.

Овој натпревар има посебно значење за младинскиот фудбал во Македонија. Брера Струмица веќе испиша историја, станувајќи првиот македонски младински шампион кој успеал да ја мине првата пречка во Младинската лига на шампиони и да се пласира во второто коло.

Затоа, денешниот дуел со Хофенхајм е многу повеќе од обичен натпревар. За младите фудбалери на Брера ова е огромно меѓународно искуство, можност да ги одмерат силите со ривал од германскиот фудбал и дополнително да напредуваат низ натпревари од ваков ранг.

Со позитивни мисли и желба за нов европски успех, фудбалерите предводени од Ѓорѓе Стојчев ќе се обидат да ја продолжат својата европска авантура.

Брера Струмица – Хофенхајм
📍 Стадион „Младост“, Струмица
🕑 Почеток: 14:00 часот

Сега е редот на струмичката публика да им даде поддршка на младите фудбалери во уште еден историски европски предизвик.

Сподели

Не пропуштајте

Ракомет

Битола слави голема победа – Еурофарм Пелистер со неверојатен пресврт го урна германски Гумерсбах!

Битола вечерва повторно ја почувствува магијата на големите европски ракометни вечери! Еурофарм Пелистер приреди вистински спектакл во салата „Боро Чурлевски“, совладувајќи го германскиот...

Ракомет

Андоновски: Со борба до последен здив за секоја топка, одиме по првата сезонска победа против Струга!

В сабота од 18 часот салата „Млаз“ во Богданци повторно ќе се наполни до последното место за мечот меѓу Младост и Струга од...

Поврзани написи
Втора лигаФудбал

Беласица ќе добие нов тренер, Раде Цицмиловиќ поднесе оставка поради лични причини

Второлигашот Беласица ќе добие нов тренер откако Раде Цицмиловиќ поднесе оставка и...

ФудбалЧетврта лига

Маџари го доби дуелот со Гоце Делчев, Зелениково со пет гола за Ускуп, лидерот Бујковци до три бода

Четири домашни и една гостинска победа го одбележаа осмото коло во Четвртата...

ФудбалФутсал

Шкупи во финишот до три бода, Форца со 15 гола против Клими, Осогово до голем триумф!

Поранешниот шампион Форца со неверојатни 15:1 го „разнесе“ Клими од Кавадарци во...

✕
error: Содржина е заштитена! Се забранува копирање на истата!