Новото засилување на прволигашот Башкими од Куманово, талентираниот играч за врска Клаудио Мартинез, денес ги имаше првите минути за новиот клуб на пријателскиот меч против второлигашот Камјани.
Мартинез за Опен ТВ истакна дека е многу среќен за неговите први минути во дресот на Башкими.
„Ова беше мојот прв натпревар овде и многу сум среќен поради првите 15 минути што ги одиграв со екипата. Веќе две недели сум тука и можам да кажам дека градот е многу убав. Многу сум среќен што сум дел од овој клуб. Луѓето овде се навистина прекрасни и сакам да му се заблагодарам на стручниот штаб, на тимот, на сите мои соиграчи. Навистина сум многу среќен и се гледаме наскоро“, изјави талентираниот играч за врска Клаудио Мартинез.
Башкими со пораз ја започна сезоната во ПМФЛ откако загуби во Кратово од Силекс со резултат од 6:0, а во рамки на второто коло на домашен терен ќе бара позитивен резултат против Тиквеш.
