Првите екипи кои обезбедија полуфинале на турнирот во мал фудбал „Петровден 2026“ во Мешеишта се АСП Пак и Златара Бени Ерол.
Екипата на АСП Пак по потешкиот пат стигна до полуфиналето, откако во регуларниот дел против Аце Најдески одигра 0:0, па мораше пенал рулетот да решава.
Во пенал серијата за АСП Пак погодија Никола Угриноски, Кипријан Петрески, Мишо Ѓорѓиески и Дејан Милошески, додека пак за Аце Најдески од белата точка успешно погодија Кире Чорбе, Никола Миткоски и Даниел Сотироски за конечни 4:3 преку пенал серијата и пласман на АСП Пак во полуфинале.
Екипата на Златара Бени Ерол имаше лесна задача откако со 3:1 славеше над Чардак Велгошти и лесно обезбеди пласман во големото полуфинале.
Победата беше најавена уште во првите десет минути игра, кога Сундим Фејза постигна гол за рано отварање на водството, а во 10. минута Нагиб Ахмедоски постигна гол за двојна предност на полувреме.
Во вториот дел Чардак Велгошти ја преполови негативата на 2:1 преку гол на Христијан Спироски во 33. минута, но во самиот финиш стигна печат на победата преку втор гол на Ахмедоски за конечни 3:1.
Утре од 21 часот ќе се соочат Хотел и Спа Инекс Олгица против Охридски Бисер Филеви, а пак од 22 часот на мегдан ќе одат Сатеска и Др. Баткоски.
Победниците од овие натпревари ќе им се приклучат на АСП Пак и Златара Бени Ерол во полуфиналето.
Спортска Мрежа и годинава е медиумски покровител на овој спортски настан, кој го има своето 51. издание и претставува пример за одлична организација, пример за фер-плеј, пример како треба да изгледа еден организиран турнир.
