Прилеп дефинитивно е најфудбалскиот град во Македонија, ГФК Победа пред полна трибина на која немаше каде игла на падне славеше со 10:0 над Влазними Јуниор во меч од 2. коло на Трета лига регион 4.
Трибината на стадионот „Гоце Делчев“ понуди неверојатна атмосферата, а фудбалерите на ГФК Победа приредија вистинска голеада и убедлива победа.
Иса Цаневски постигна хет-трик, а двоен стрелец беше Мартин Никовиќ, додека пак по еден гол постигнаа Давид Паскоски, Даниел Карчески, Александар Ристевски, Христијан Митрески и Роберт Аризанкоски.
Победа од Пелелиште забележа уште една победа овој пат во Чашка славејќи со 1:2 над Башкими од Јаболчиште. Денис Мемков во 17. минута од средбата погоди за водство на гостинот од 0:1 на полувреме.
Во вториот дел Мартин Младеновиќ со гол во 75. минута зголеми на 0:2, а пак Јосиф Манасиев во 93. минута го ублажи поразот на конечните 1:2.
Колото ќе биде комплетирано денес.
