По шест кола екипата на Пелистер од Битола е на врвот од табелата со 14 бодови, откако битолчани славеа во дербито со Охрид со минимални 1:0.
Сега тимот на Борче Христов е на челното место со 14 бодови, еден бод повеќе од Брера која е втора со 13 бодови, а пак Охрид е втор со 12 бодови.
Но, овие две екипи може да го симнат од врвот Пелистер, ако ги добијат одложените натпревари. „Рибарите“ уште во четврток може да се вратат на врвот од табелата, ако слават во Радовиш над Детонит Плачковица, во одложениот меч од 2. коло.
Брера Струмица, исто така има одложен меч, тој од 5. коло со Работнички, кој доколку го добие може да избие на првото место, а веќе во 7. коло Брера ќе има тешко гостување кај Охрид.
Од овие комбинации и Работнички гледа голем ќар, односно избивање при самиот врв. „Романтичарите“ имаат дури два натпревари помалку, кои доколку го добијат на своето конто ќе додадат плус 6 бодови тогаш би имале 15 бодови, бидејќи сега имаат девет.
В четврток Работнички ќе гостува кај Тетекс во Тетово, а потоа ќе се соочат со Брера на домашен терен за комплетирање на тие два одложени мечеви.
На дното без бодови останува Шкупи како единствен тим кој нема освоено бодови.
Непоразени екипи остануваат Пелистер, Брера и Беласица, а без победи се екипите на Шкупи и Осогово. Најмногу ремизираше натпревари има Беласица.
Најефикасни напади имаат Брера и Охрид со по 12 реализирани погодоци, најдобри одбрани имаат Пелистер и Брера со по еден примен гол, додека пак најлоша одбрана има Шкупи, која примила дури 22 гола.
