Прволигашот Арсими продолжува со засилувањата за новата сезона, а најново име кое доаѓа во редовите на прволигашот од Чегране е младиот и перспективен напаѓач Иван Глигоров.
22-годишниот напаѓач доаѓа од редовите на второлигашот Охрид, каде беше најдобар стрелец со постигнати 20 погодоци овозможувајќи им на „рибарите“ и историско полуфинале во Купот на Македонија.
Глигоров стави потпис на двегодишен договор со Арсими, со што одлучи да го облече жолто-црниот дрес и да заигра за Арсими.
Глигоров кој ја помина академијата на ISM од Италија, а беше дел и од У-19 тимот на португалски Национал во македонскиот фудбал покрај за Охрид настапуваше и за штипска Брегалница.
Со ангажманот на Глигоров, Арсими добива сигурно и проверено голгетерско име со голем потенцијал.
