Прволигашот Арсими продолжува со засилувањата за новата сезона, а денес беше претставен Ѓорѓи Дошев како најново име кое доаѓа во клубот од Чегране.
Се работи за дефанзивен играч за врска кој доаѓа од редовите на Брера Струмица, а во текот на својата кариера има настапувано и за Македонија ЃП и Вардар.
Досега има забележано 42 настапи во Првата македонска фудбалска лига, со еден меч во Купот на Македонија или вкупно 2031 минута поминати на фудбалски терени.
Дошев е младински репрезентативец на Македонија, кој ги помина репрезентациите до 17 и 18 години, а сега е член на У-21 репрезентацијата на Македонија.
