Во рамки на денешното 20. коло лидерот Камјани гостуваше во Кичево каде се соочи со тимот на Напредок и забележа победа од 1:3 и стана шампион во Трета лига – Запад.
Домашниот тим преку Настески го отвори резултатот за водство од 1:0 во 9. минута, а до крајот на првиот дел со двата гола на Хузри Џемаили гостинот го сврте резултатот на 1:2.
Во вториот дел печат на победата стави Арлинд Берзати во 90. минута за конечни 1:3.
Влазерими на домашен терен го пречека Доброшти и го доби во меч со 12 погодоци за конечни 8:4. Имери постигна три гола, по два гила имаа Мемишоски и Ибраими, а еден гол беше дело на Бајрами. За гостинот двојни стрелци беа Хашими и Муслија.
Во Порој се одигра мечот меѓу Скендербеу и Љуботен, а домаќинот ги обезбеди трите бодови славејќи со 3:1. Стрелци беа Бајрами и Османи, а пак Бимбилоски си постигна автогол, додека пак за гостинот погоди Мишиќ.
Речица на домашен терен ги одмери силите со Џепчишти, но загуби со 1:4. Зеќири во 10. минута го отвори резултатот за водство на домаќинот, а потоа гостинот преку трите гола на Меритон Саљиу и голот на Дритон Абди ги постави конечните 1:4.
Во Брвеница се играше мечот меѓу Вардар и Ренова каде домаќинот со 5:2 беше убедлив преку четири гола на Ивица Костадиноски и голотна Синиша Јованоски, за гостинот стрелци беа Арсим Ибрахими и Ријад Османи.
На две кола до крајот и официјално Камјани е шампион во Трета лига – Запад и ќе игра бараж за влез во Втора лига. Камјани е прв со 49 бодови, а Влазерими е втор со 41 бод.
