Во рамки на денешното 16. коло на Третата македонска фудбалска лига – Југозапад се одигра дербито за првото место меѓу лидерот Влазними и второпласираната Могила во Струга, а пресметката донесе победа од 3:0 за стружани.
Самед Кадриоски во 29. минута погоди за отварање на резултатот, а веќе во 35. минута искусниот Алтин Лога погоди за двојна предност на полувреме.
Во вториот дел сите дилеми беа решени во 80. минута кога Пајазит Салиу постигна гол за конечни 3:0.
Демир Хисар пред својата публика го играше мечот со Кораб кој заврши без победник (4:4). Стевановски беше двоен стрелец за домаќинот, а по еден гол постигнаа Дамчевски и Китановски, за гостинот стрелаа Иса, Мерсовски и Клобучишта, а пак Талевски си постигна автогол.
Кравари со убедливи 4:1 го доби Напредок од Ношпал, во меч каде Темур Емини постигна четири гола, а пак за гостинот единствен стрелец беше Александар Христовски.
Во Мешеишта се играше дерби меѓу Славеј и Света Троица од Охрид кое заврши со осум гола, без победник за делба на бодовите (4:4).
За домашниот тим стрелци беа Даниел Митрески, Марио Крстески, Никола Секулоски и Антонио Ќитаноски, а пак за гостинот двоен стрелец беше Данил Џајкоски, а по еден гол постигнаа Никола Угриноски и Димитар Кочески.
Инаку, тимот на Славеј во 89. минута се спаси од пораз кога погоди Ќитаноски.
Влазними е лидер на табелата со 34 бодови, втор е составот на Могила со 28 бодови, па веќе е јасно оти тимот од Струга е шампион.
