Македонските судии Ивана Пројковска и Елена Соклевска – Илиевски добија нова задача од УЕФА. Двете ќе бидат дел од судиската екипа на натпреварот меѓу Словачка и Украина во женска конкуренција.
Станува збор за првиот натпревар од првата рунда на плеј-офот во квалификациите за Светското првенство за жени на ФИФА во УЕФА зоната. Средбата ќе се одигра на „Татран Арена“ во Прешов, Словачка.
Пројковска ќе ја има улогата на главен судија, додека нејзина прва асистентка ќе биде токму Елена Соклевска – Илиевски. Втора судија-асистент ќе биде Цери Луиз Вилијамс од Велс, а четврт судија ќе ја биде Зои Ставру од Кипар.
Делегирањето претставува уште една потврда за довербата што УЕФА ја има во македонските судијки Пројковска и Соклевска – Илиевски. Двете во изминатиот период редовно добиваат ангажмани на значајни меѓународни натпревари, претставувајќи го македонското судење на европската сцена.
За Словачка и Украина ова ќе биде првиот меѓусебен натпревар во рамките на овој плеј-оф. Победникот од овој двомеч ќе продолжи во следната фаза, каде што ќе се соочи со подобриот од пресметката Грција – Англија.
Натпреварот меѓу Словачка и Украина се игра утре од 18 часот.
