Денес во Берово се решаваше дали ќе има нов лидер во Трета лига – Исток, откако во рамки на 19. коло Победа Валандово гостуваше кај Малеш, во исход од мечот кој донесе промена на челната позиција, откако тимот од Валандово славеше со резултат од 2:3. „Калинкарите“ уште во првиот дел ги постигнаа трите погодоци преку Томе Стоилков кој во 8. минута го отвори резултатот, потоа Кирил Коколански и Стефан Трајков погодија за три гола предност по првите 45 минути. Во вториот дел преку двата гола на Борче Јакимовски намали на 2:3, но немаше сили за ништо повеќе.
Во Струмица се одигра мечот меѓу Тиверија и Брегалница од Делчево, а исходот од оваа соочување беше победа за гостинот од 2:3. Бојан Петровски во 24. минута го отвори резултатот за 0:1, а потоа Дарко Пешовски постигна гол за 0:2 на полувреме.
Во вториот дел Мичо Митровиќ и Благој Георгиев постигнаа погодоци за 2:2. Гостинот преку втор гол на Пешовски стигна до конечните 2:3.
Дерби се играше на стадионот „Кукуш“ каде некогашниот вицешампион на Македонија, Хоризонт Турново влезе во „пресметка“ со Ударник од Пирава, а каде исходот од истата беше голема победа за гостинот од 1:4. Двојни стрелци за тимот од Пирава беа Крсте Тодоров и Марјан Костадинов, а пак за домашниот тим погоди Васко Коцев во 3. минута.
Во рамки на оваа коло слободна беше екипата на Дојранско Езеро и Карбинци, како и Овче Поле, кој се одлучи да одигра пријателски меч со лидерот во Трета лига – Југ, тимот на Борец.
На првото место е Победа Валандово со 39 бодови, втор е Овче Поле со 38 бодови, Ударник изби на третото место со 32 бодови, а Хоризонт Турново сега е четврт и со 31 бод.
