Седмото коло на Втората македонска фудбалска лига ќе се заокружи со дерби под рефлектори во Струмица, Беласица ќе го пречека Пелистер.
На стадионот „Благој Истатов“ во 18 часот стартува дербито на два поранешни прволигаши, Беласица ќе бара победа по четири последователни ремија, а пак Пелистер продолжува на победничката низа.
Од 22 август Беласица чека на победа кога го доби Новаци во гости со минимални 0:1, а од тогаш нанижа четири ремија во низа. Пелистер, пак на „Благој Истатов“ доаѓа во победничка форма со четири победи во низа.
Двете екипи по две години, седум месеци и 25 дена одново ќе ги одмерат силите. Пелистер има две победи во низа против Беласица, а пак Беласица последно славеше над Пелистер на 23 април 2023 година со 2:1.
На последните десет меѓусебни средби секогаш имало погодоци, две средби завршиле со по еден гол, а на сите други имало од два до четири гола, никогаш немало пет гола.
Статистиката е изработена од редакцијата на Спортска Мрежа, доколку се користи, задолжително да се наведе извор.
