Денес беа одиграни сите натпревари од 23. коло на Третата македонска фудбалска лига – Север, а во рамки на истото шампионот Еуромилк ГЛ на домашен терен се соочи со Беса од Сарај меч кој заврши со минимална победа за гостинот од 0:1.
Единствен стрелец на мечот беше Муртезан Незири кој постигна гол во 34. минута за освојување на трите бодови.
БВК Коњаре на домашен терен го пречека составот на Беса од Слупчане, а исходот од овој натпревар беше триумф за гостинскиот тим од 3:4. За домаќинот сите три гола ги постигна Гезим Бакиевски, а за гостинот двојни стрелци беа Шуајб Бајрами и Сунај Демири.
Ржаничино играше меч со Куманово кој немаше победник (2:2) за делба на бодовите. Лазев и Лекиќ погодија за домаќинот, за гостинот Анѓеловски и Симиќ.
Аеродром пред својата публика го одигра мечот со Пчиња, кој имаше исход од 2:2 односно делба на бодовите. За домашниот тим стрелци беа Јорадноски и Кажлевски, а за гостите погодија Пешовски и Топчиевски.
Во Доброшане се играше натпреварот меѓу Лопати и Студеничани, каде гостите кои беа фаворити и истата ја оправдаа со 0:4 Стрелци беа Кадри, Зекири, Ибраими и Кадриу стрелајќи во вториот дел.
Башкими Љуботен во Бутел се соочи со Фортуна и славеше со 2:1 за радост на домашната публика. Хамити и Арифи беа творци на победата, за гостинот гол постигна Мемети.
Отља на домашен терен играше против некогашниот второлигаш Кадино и успеа да слави со 2:0 преку головите на Реџепи и Абази.
