Денес беше комплетирано 27. коло со натпреварот меѓу Големо Коњари и Преспа, трите бодови заминаа на контото на тимот од Ресен, откако истиот славеше со минимални 0:1.
Единствен стрелец на натпреварот кој го реши победникот беше Давид Карамачоски кој постигна гол во 56. минута од средбата.
Натпревар кој немаше резултатско значење и се играше за престиж бидејќи и двете екипи веќе се испаднати во Трета лига. Тимот од Ресен сега има 15 бодови и изби на 13. место на табелата, а пак Големо Коњари останува на дното со седум бода.
Во следното коло Преспа ќе биде домаќин на Детонит Плачковица, а пак Големо Коњари ќе гостува кај Охрид.
