На 9 мај, Градскиот стадион во Велес ќе биде домаќин на финалето од Купот на ОФС Велес, каде силите ќе ги одмерат екипите на Младост 1976 и Согле. Натпреварот е закажан со почеток од 16 часот и се очекува да донесе возбудлива битка за трофејот.
Младост 1976 до финалето стигна со сигурна игра во полуфиналето, каде славеше на гостувањето кај поранешниот второлигаш Локомотива од Градско со резултат 0:2. Од друга страна, Согле имаше многу потежок пат, откако во ефикасен и неизвесен натпревар успеа да го совлада Врановци со 4:3.
Влогот во финалето е голем, бидејќи победникот ќе обезбеди место во Купот на Македонија. Сепак, пред тоа ќе треба да одигра дополнителен дуел против некоја од велешките екипи од Третата лига, како Борец, Превалец или Башкими од Јаболиште.
Се очекува вистински фудбалски спектакл во Велес, каде двете екипи ќе дадат сè од себе за да го подигнат пехарот и да направат чекор повеќе кон националната сцена.
Минатата сезона Купот на ОФС Велес го освои Горски.
