Најдобриот македонски атлетичар Дарио Ивановски продолжува со одличните настапи на меѓународна сцена, откако триумфираше на полумаратонот во Дубровник.
Ивановски имаше сигурна и контролирана трка, која ја заврши со време од 1:06:52, што беше доволно за да го освои првото место и да се искачи на највисокото место на подиумот.
Овој успех доаѓа само неколку дена по неговиот одличен настап на маратонот во Белград, каде што го освои второто место, потврдувајќи ја својата врвна форма.
Со ваквите резултати, Ивановски уште еднаш го докажува својот квалитет и статус на најдобар македонски атлетичар, достојно претставувајќи ја Македонија на меѓународната сцена.
