Кристијан Јанев го освои Ј30 турнирот во Скадар

Младиот македонски тенисер и репрезентативец Кристијан Јанев блесна на турнирот Ј30 во албанскиот град Скадар, освојувајќи го трофејот во сингл конкуренција. Како прв носител, Јанев ја потврди фаворитската улога и без загубен сет стигна до титулата.

Во финалниот меч беше подобар од црногорскиот тенисер Лука Лукавац, славејќи со 2-0 во сетови (6:3, 6:4).

Покрај сингл трофејот, Јанев играше и финале во двојки заедно со Ерион Незири, но таму мораа да се задоволат со второто место. Во решавачкиот натпревар беа поразени од тандемот Вацлав Барина / Лука Лукавац со 2-1 во сетови (6:4, 2:6, 10-6).