Првото пролетно коло во Општинската фудбалска лига во Струмица донесе промени во врвот од табелата откако есенскиот шампион Спартмани загуби од Огражден со високи 1:3.
Четири погодоци беа постигнати во Радово за славје на тимот од Ново Село со што Спартмани го загуби врвот.
Никола Тасев беше двоен стрелец, а еден гол беше дело на Живко Гоцев.
Екипата на Дрвош со три „проектили“ во Пиперово славеше над Единство (0:3), додека пак во радовишко Злеово немаше победник откако Слога и Интер Кукла ги победија бодовите играјќи 2:2.
Трите бодови останаа во Добрејци откако Илинден со 3:0 го доби „фенерџијата“ Напредок од Радово.
Интер Кукла е на врвот со 17 бодови на своето конто, додека пак Спартмани е втор со 16 бодови.
Тимот на Огражден сега е трет со 15 бодови, а пак Слога од Злеово е четврта и има 14 бодови. Со по 13 бодови Дрвош и Илинден го делат петтото место, а пак Единство од Пиперово останува претпоследен со само три бодови.
Како што ја заврши 2025 година, така и ја започна 2026 – тимот на Напредок од Радово е на дното со нула бодови и има осум порази од толку мечеви.
