Веќе се е јасно во долниот дел од табелата односно екипите кои ќе се преселат од Втора во Трета лига за следната сезона 2026/2017.
Официјално од Втора лига веќе испаднаа Големо Коњари, Победа и Слога Виница, оваа сабота отпаѓа Преспа, а за три кола ќе испадна и Вардар Неготино.
Од овие екипи најмногу испаѓаат во Трета лига – Југ, дури три екипи односно Големо Коњари, Победа и Вардар Неготино. Во Трета лига – Исток испаѓа Слога Виница, а во Трета лига – Југозапад тоа ќе биде екипата на Преспа.
Во баражот сигурно ќе бидат Каменица Саса и Тетекс, Кожуф и натаму ги живее надежите дека може до директен опстанок, ќе биде тешко, но математички тимот е во игра.
Овие три екипи припаѓаат различни третолигашки региони. Каменица Саса и Кожуф во Трета лига – Исток, а пак Тетекс на Трета лига – Запад.
Но, бидејќи од следната сезона е најавен шести регион, останува да видиме кои ќе бидат неговите граници и како ќе се групираат третолигашките региони.
Инаку во баражот за Втора лига покрај трите екипи од Втора лига влегуваат и шампионите од петте третолигашки региони. Победниците ќе бидат во Втора лига за следната сезона, а поразените одат во Трета лига.
