Одамна не била толку неизвесна сезоната во Втората македонска фудбалска лига, каде до последните кола ќе се води жестока битка за шампионската титула и директен пласман во Прва лига, како и за двете позиции што носат бараж за влез во ПМФЛ.
Во трката за врвот се Брегалница, Охрид, Скопје и Шкендија Арачиново, додека од сенка својата шанса ја чека и Беласица, која се надева на место во бараж-зоната.
Една победа или пораз може целосно да ја промени ситуацијата на табелата, бидејќи разликите меѓу екипите се минимални. Брегалница е лидер со 55 бодови, додека Охрид, Скопје и Шкендија Арачиново имаат по 53 бодови и ја делат втората позиција.
Веќе во следното коло може да дојде и до промена на врвот. Доколку Брегалница загуби на гостувањето кај Детонит Плачковица во Радовиш, а конкурентите стигнат до победа, можен е целосен пресврт на табелата.
Охрид на домашен терен ја пречекува Преспа и важи за фаворит, Скопје исто така има поволен меч против Каменица Саса, додека Шкендија Арачиново ќе бара три бода против веќе отпишаната Победа.
Токму Брегалница ја очекува најтешката задача во ова коло, бидејќи гостува во Радовиш во дуел што може да има огромно влијание врз шампионската трка.
- ЦЕЛА ТАБЕЛА ВО ВТОРА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 🔼 | ФК БРЕГАЛНИЦА 2008 АД | 24 | 17 | 4 | 3 | 55 | 15 | +40 | 55 |
| 2 🔽 | ГФК ОХРИД ЛИХНИДОС | 24 | 16 | 5 | 3 | 58 | 13 | +45 | 53 |
| 3 ➖ | ФК СКОПЈЕ АД | 24 | 17 | 2 | 5 | 50 | 18 | +32 | 53 |
| 4 ➖ | ЗФК Шкендија Арачиново 77 | 24 | 16 | 5 | 3 | 43 | 13 | +30 | 53 |
| 5 ➖ | ФК БЕЛАСИЦА АД | 24 | 15 | 3 | 6 | 49 | 17 | +32 | 48 |
| 6 🔼 | ФК ДЕТОНИТ ПЛАЧКОВИЦА | 24 | 13 | 5 | 6 | 47 | 19 | +28 | 44 |
| 7 🔽 | ГФК ОСОГОВО | 24 | 13 | 5 | 6 | 36 | 18 | +18 | 44 |
| 8 ➖ | ЗФК НОВАЦИ 2005 | 24 | 12 | 4 | 8 | 37 | 21 | +16 | 40 |
| 9 ➖ | ФК КОЖУФ ГЕВГЕЛИЈА | 24 | 9 | 8 | 7 | 35 | 21 | +14 | 35 |
| 10 ➖ | ФК ТЕТЕКС 1953 | 24 | 10 | 3 | 11 | 40 | 36 | +4 | 33 |
| 11 ➖ | ФК КАМЕНИЦА САСА | 24 | 7 | 8 | 9 | 43 | 41 | +2 | 29 |
| 12 ➖ | ГФК ВАРДАР Неготино | 24 | 5 | 3 | 16 | 26 | 68 | -42 | 18 |
| 13 ➖ | ФК ПРЕСПА | 24 | 4 | 0 | 20 | 25 | 59 | -34 | 12 |
| 14 ➖ | ФК СЛОГА 1934 | 24 | 3 | 2 | 19 | 23 | 65 | -42 | 11 |
| 15 ➖ | ФК ПОБЕДА АД | 24 | 3 | 2 | 19 | 15 | 81 | -66 | 11 |
| 16 ➖ | ФК ГОЛЕМО КОЊАРИ | 24 | 2 | 1 | 21 | 13 | 90 | -77 | 7 |
