Многу погодоци донесе 17. коло на Трета лига – Запад, каде лидерот Камјани убедливо славеше над некогашниот прволигаш Ренова со резултат од 6:0.
Хузри Џемаили постигна четири погодоци, а пак двоен стрелец во високата победа беше искусниот Шпенд Асани.
Вардар Брвеница на својот терен играше како формален гостин против Љуботен и го декласираше со 0:7. Двојни стрелци беа Ивица Костадиноски и Синиша Јованоски, а пак по еден гол постигнаа Тони Брњарчевски, Славче Антовски и Димитар Стојкоски.
Во понеизвесен меч трите бодови ги освои Речица која со 2:3 славеше над Доброшти. За домаќинот двата погодоци беа дело на Агон Хашими, а за гостинот трите погодоци беа постигнати во вториот дел за пресврт и славје на три бодови преку Амин Шаќири, Блертон Шабани и Јетон Џеладини.
Влазерими ќе добие службени три бодови, бидејќи Скендербеу по чекање од 30 минути не се појави на теренот, па ова значи службена победа за тимот од Кичево (3:0).
