Македонскиот фудбалски репрезентативец Матеј Гаштаров го продолжи договорот со српскиот гигант Црвена Звезда до 2031 година.
20-годишниот фудбалер со своите настапи и напредокот во белградскиот клуб ја заслужи довербата на раководството, кое му понуди продолжување на соработката и можност да продолжи да се развива во црвено-белиот дрес.
Гаштаров ги направи првите фудбалски чекори во младинските категории на Вардар, а во август 2024 година се пресели во Црвена Звезда, каде што продолжи да го гради својот фудбалски пат.
Станува збор за играч од средниот ред, кој настапува на позицијата дефанзивен играч за врска. Го красат борбеноста, добрата техника и квалитетниот шут, карактеристики што му овозможуваат да придонесува во двете фази од играта.
Продолжувањето на договорот до 2031 година претставува потврда дека Црвена Звезда смета на македонскиот фудбалер и на неговиот понатамошен развој во клубот.
