На шест кола до крајот трката за првото место ја водат четири екипи – лидерот Брегалница, Охрид, Скопје и Шкендија Арачиново.
Само првото место води директно кон елитата, а пак второто и третото место водат по потешкиот пат до Прва лига, односно преку бараж меч.
Брегалница е на врвот со 55 бодови, а конкурентите имаат два помалку односно 53 бодови за делба на второто место. Но, што вели распоредот, кој тим има најтежок распоред и како до бодови за освојување на првото место.
БРЕГАЛНИЦА
25 коло Детонит Плачковица – Брегалница
26 коло Брегалница – Слога Виница
27 коло Беласица – Брегалница
28 коло Брегалница – Шкендија Арачиново
29 коло Осогово – Брегалница
30 коло Брегалница – Победа
ОХРИД
25 коло Охрид – Преспа
КУП полуфинале Охрид – Силекс
26 коло Тетекс – Охрид
27 коло Скопје – Охрид
КУП полуфинале Силекс – Охрид
28 коло Охрид – Големо Коњари
29 коло Детонит Плачковица – Охрид
30 коло Охрид – Слога Виница
СКОПЈЕ
25 коло Скопје – Каменица Саса
26 коло Преспа – Скопје
27 коло Скопје – Охрид
28 коло Тетекс – Скопје
29 коло Големо Коњари – Скопје
30 коло Скопје – Детонит Плачковица
ШКЕНДИЈА АРАЧИНОВО
25 коло Шкендија Арачиново – Победа
КУП полуфинале Шкендија – Шкендија Арачиново
26 коло Кожуф – Шкендија Арачиново
27 коло Шкендија Арачиново – Вардар Неготино
КУП полуфинале Шкендија Арачиново – Шкендија
28 коло Брегалница – Шкендија Арачиново
29 коло Шкендија Арачиново – Новаци
30 коло Каменица Саса – Шкендија Арачиново
Дополнително проблем за Шкендија Арачиново и Охрид може да биде двомечот од полуфиналето од Купот на Македонија, бидејќи тука двете екипи ќе потрошат сериозна енергија и сила што може да им се рефлектира во првенството, бидејќи Скопје и Брегалница водат борба на еден фронт и тоа може да им биде голема предност.
Брегалница ќе има тешко гостување во Радовиш против Детонит Плачковица, против Беласица во Струмица и против Осогово во Кочани, а на домашен терен ќе биде дербито со Шкендија Арачиново. „Сините“ имаат сигурни бодови против Слога Виница и Победа.
Охрид ќе биде на два фронта – „рибарите“ ќе имаат двомеч во полуфиналето од Купот со Силекс и тука може да загубат многу енергија. Охрид ќе има тешко гостува во Автокоманда во директна пресметка со Скопје, но ќе биде тешко и во Радовиш кај Детонит Плачковица, на останатите мечеви Охрид има „сигурни“ бодови.
Скопје ќе има два дерби меча на домашен терен против Охрид и Детонит Плачковица, а на останатите средби треба да дојде до лесни три бода.
Шкендија Арачиново е на два фронта – во полуфиналето од Купот ќе се соочи со тетовска Шкендија и тоа ќе биде навистина исцрпувачко за тимот на Берат Имери. Шкендија Арачиново во првенството ќе има тешка задача во Гевгелија против Кожуф, ја очекува дербито во Штип против Брегалница, а нема да биде лесно и со Новаци, на останатите средби не би требало да има проблем за тимот од Арачиново да дојде до целиот „плен“.
На шест кола до крајот и 18 бодови во игра, четири екипи во трка за првото место кое директно води кон елитата, второто и третото водат кон баражот за ПМФЛ, а четвртиот тим во целост ќе извиси.
