Организаторите на традиционалниот младински турнир „Трофеј Трајан Куља – Црнобуки 2026“ веќе започнаа со подготовките за седмото издание, кое и ова лето ветува уникатно спортско доживување.
Иако турнирот ќе се одржи во август, подготовките се во полн ек, а веќе се дефинирани планот, термините и дел од учесниците. Настанот ќе се игра од 14 до 16 август во село Црнобуки, а ќе учествуваат екипи од генерациите 2015, 2016 и 2017 година.
Како и во претходните години, турнирот ќе се издвојува по својот концепт и организација. Поканети се екипи од цела Македонија и регионот, а она што е посебно значајно е дека нема да се наплаќа партиципација за учество.
Организаторите најавуваат вистински хепенинг, исполнет со дружење, спорт и незаборавни моменти за најмладите фудбалери. Дополнително, најавени се и бројни изненадувања кои ќе го збогатат настанот и ќе создадат спомени што ќе траат цел живот.
Во наредниот период ќе бидат објавени и првите учесници, а заинтересираните екипи сè уште имаат можност да го потврдат своето учество и да бидат дел од оваа уникатна фудбалска приказна.
Спортска Мрежа официјално ќе биде медиумски покровител на овој спортски настан.
