По значајната победа во дербито со Алкалоид на домашен терен, ракометарите на ГРК Охрид ги очекува нов предизвик во Супер лигата. Во рамките на седмото коло, „гладијаторите“ ќе гостуваат кај екипата на Мулти Есенс, со цел да стигнат до нови бодови и да продолжат со добрите настапи.
Пред овој дуел, Ален Ќосевски истакна дека Охрид го очекува натпревар против млад и борбен состав, поради што екипата ќе мора да пристапи максимално сериозно. Охриѓани имаат јасна цел – да одиграат организирано, да ги искористат своите квалитети и да го наметнат посакуваниот ритам на игра.
„Ни следува натпревар против екипата на Мулти Есенс. Станува збор за млада и борбена екипа.Нашата цел е јасна, да играме организирано и да ги искористиме нашите квалитети.“- изјави Ќосевски.
Охрид ќе се обиде да ги потврди своите амбиции и на гостински терен, а за исполнување на целта ќе биде потребен максимален ангажман во текот на сите 60 минути. Натпреварот Мулти Есенс – ГРК Охрид ќе се одигра в недела (18 октомври), со почеток од 16:00 часот, во салата „Автокоманда“. Веќе следниот викенд, охриѓани ќе бидат домаќини на двата меча од второто коло од ЕХФ Европскиот Куп.
