Европската ракометна приказна на ГРК Охрид продолжува со нов предизвик во ЕХФ Европскиот Куп, а охриѓани ќе имаат можност од трибините во „Билјанини извори“ да му дадат поддршка на својот тим во двата дуела со турскиот Спор Тото СК.
Овојпат, охридската публика ќе добие можност да проследи два европски натпревари во два последователни дена. Средбите се закажани за 23 и 24 октомври, со почеток во 18:30 часот, а двата натпревари ќе се одиграат во спортската сала „Билјанини извори“.
Клубот ги објави и цените на влезниците. Еднодневен билет ќе чини 200 денари, додека блок-картата за двата натпревари ќе се продава по цена од 300 денари. Продажбата ќе се одвива исклучиво на билетарата при СРЦ „Билјанини извори“.
Првата можност за набавка на билети ќе ја имаат имателите на сезонски карти, кои ќе можат да ги купат во среда, 14 октомври, во периодот од 15:00 до 18:00 часот. Генералната продажба за сите навивачи започнува в четврток, а билетарата ќе работи секој ден од 15:00 до 18:00 часот.
Охрид го очекува нов европски предизвик, а поддршката од трибините може да биде значаен фактор во обидот за нов успех на меѓународната сцена. Пораката од клубот е јасна – навивачите повторно да застанат зад своите миленици и да бидат нивниот осми играч.
