Втора лигаФудбал

Раде Цицмиловиќ се врати во Беласица, дебито ќе го има на градското дерби со Брера!

Сподели
Сподели



Она што Спортска Мрежа го најави во текот на вчерашниот ден, доби официјална потврда – Раде Цицмиловиќ е нов тренер на Беласица! Искусниот стратег од Гевгелија повторно седнува на клупата на струмичкиот клуб.

Цицмиловиќ доаѓа на местото на Мартин Алаѓозовски, со кого Беласица спогодбено ја прекина соработката. Младиот тренер својата кариера ќе ја продолжи во Кувајт, па струмичани се одлучија за добро познато име кое веќе има успешна историја со клубот.

Новиот тренер веднаш го очекува голем предизвик. Цицмиловиќ дебито на клупата на Беласица ќе го има претстојниот викенд, кога неговиот тим ќе се соочи со градскиот ривал Брера во рамките на 8. коло од Втората македонска фудбалска лига.



Беласица во овој дуел влегува со серија од пет последователни ремија и повеќе од еден месец без победа. Токму прекинувањето на негативната серија ќе биде една од првите задачи за Цицмиловиќ, кој ќе има можност уште на дебито да се претстави пред навивачите во едно од најочекуваните дербија во Струмица.

ПОДДРЖЕТЕ ЈА СПОРТСКА МРЕЖА СО СИМБОЛИЧНА ДОНАЦИЈА И ПОМОГНЕТЕ НИ ДА ПРОДОЛЖИМЕ ДА ГО ПРОМОВИРАМЕ МАКЕДОНСКИОТ СПОРТ

За 48-годишниот стратег ова е ново поглавје во приказната со Беласица, клуб со кој ги оствари едни од најзначајните успеси во својата тренерска кариера. Во сезоната 2017/2018, под негово водство, струмичани доминираа во Втората лига – Исток, го освоија првото место и обезбедија пласман во елитното друштво.



Цицмиловиќ подоцна повторно се врати на тренерската позиција во Беласица во јануари 2019 година, а искуството го надградуваше и во други македонски клубови, меѓу кои Тиквеш и Воска Спорт. Со Воска Спорт заврши на второто место во силната конкуренција во Втората лига – Запад, обезбедувајќи бараж за пласман во Првата лига.

Дополнителна потврда за неговиот професионален развој е и стекнувањето на престижната УЕФА ПРО лиценца, највисокото тренерско ниво во европскиот фудбал.

Сега пред Цицмиловиќ е нов предизвик во позната средина. Неговото враќање на клупата на Беласица доаѓа во период кога на тимот му е потребна победа, а првата можност за тоа ќе биде токму градското дерби со Брера.



Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракомет

Битола слави голема победа – Еурофарм Пелистер со неверојатен пресврт го урна германски Гумерсбах!

Битола вечерва повторно ја почувствува магијата на големите европски ракометни вечери! Еурофарм Пелистер приреди вистински спектакл во салата „Боро Чурлевски“, совладувајќи го германскиот...

Ракомет

Андоновски: Со борба до последен здив за секоја топка, одиме по првата сезонска победа против Струга!

В сабота од 18 часот салата „Млаз“ во Богданци повторно ќе се наполни до последното место за мечот меѓу Младост и Струга од...

Поврзани написи
Втора лигаФудбал

Беласица ќе добие нов тренер, Раде Цицмиловиќ поднесе оставка поради лични причини

Второлигашот Беласица ќе добие нов тренер откако Раде Цицмиловиќ поднесе оставка и...

ФудбалЧетврта лига

Маџари го доби дуелот со Гоце Делчев, Зелениково со пет гола за Ускуп, лидерот Бујковци до три бода

Четири домашни и една гостинска победа го одбележаа осмото коло во Четвртата...

ФудбалФутсал

Шкупи во финишот до три бода, Форца со 15 гола против Клими, Осогово до голем триумф!

Поранешниот шампион Форца со неверојатни 15:1 го „разнесе“ Клими од Кавадарци во...

✕
error: Содржина е заштитена! Се забранува копирање на истата!