Владимир Егоров освои златен медал на турнир во Бугарија

На престижниот меѓународен турнир во борење во слободен стил за мажи „Дан Колов и Никола Петров“, кој се одржа во Пловдив, македонскиот борач Владимир Егоров го освои златниот медал.

Егоров доминираше во категоријата до 61 килограм и сосема заслужено се искачи на највисокото место на пиедесталот, демонстрирајќи врвна техника, борбеност и самодоверба во секој свој настап. Тој е стипендист на Македонски олимписки комитет, што претставува потврда за неговиот континуиран напредок и врвни спортски достигнувања.

На патот до златниот медал, Егоров беше убедлив во сите борби. Во првото коло со 11:0 го совлада противникот од Бугарија, потоа славеше против Камил Керимов од Украина, а во финалето со сигурни 4:0 го победи Никита Абрамов, исто така од Украина.

Егоров доби уште една награда на овој турнир беше избран за најдобар странски борач.