„Ќе биде интересен натпревар ” – Стрмљан ги повика охридските навивачи во што поголем број

,, Во недела нè чека тежок натпревар пред полна сала во Битола. Свесни сме дека мора да бидеме цврсти и агресивни во одбраната во текот на целиот натпревар, а во нападот да играме паметно со што помалку технички грешки. Натпреварот сигурно ќе биде интересен, затоа ги повикувам сите наши навивачи да нè поддржат во што поголем број. ” – изјави Стрмљан.

Од друга страна, Еурофарм Пелистер, пред својата публика, влегува како фаворит и ќе се обиде да ја потврди формата и амбициите за врвот на табелата. Атмосферата во салата се очекува да биде врела, со голема поддршка за домашниот тим, но и со силна навивачка група од Охрид.

Дуелот во Битола ветува ракометна драма, многу борба и неизвесност, а љубителите на спортот сигурно ќе уживаат во вистински празник на ракометот.