UEFA Европското првенство за футсал до 19 години ќе се одржи во Кишињев, Молдавија, од 28 септември до 5 октомври 2025 година, во Arena Chișinău.
Нашиот меѓународен футсал судија Доне Ристовски утре, со почеток во 19:30 часот, ќе биде мерач на време на натпреварот од група А меѓу репрезентациите на Португалија и Италија У19, кој ќе се игра во „Arena Chisinau“ во главниот град на Молдавија, Кишињев. Главен судија на натпреварот ќе биде Григори Ошомков од Естонија, втор судија Дино Крамар од Хрватска, а трет судија Арту Кјунаеринен од Финска. Контролор на судии ќе биде Педро Галан Нието од Шпанија, додека УЕФА делегат ќе биде Кристијан Ворнику од Романија.
Ова е историски момент за Молдавија, бидејќи по прв пат ќе биде домаќин на завршен турнир на УЕФА. Во група А ќе се натпреваруваат: Молдавија (домаќин), Португалија (бранители на титулата), Италија и Украина. Во група Б се наоѓаат: Словенија, Шпанија, Турција и Чешка.
