Дербито меѓу Драчево Јуниор и Македонија ЃП понуди вистинска драма, а на крај двете екипи мораа да се задоволат со бод, откако одиграа 34:34 на воведниот меч од 7. коло на Првата ракометна лига.
Мечот започна израмнето, а првата посериозна разлика гостинот ја направи кога имаше предност од 8:12 односно плус четири, а на полувреме Македонија ЃП замина со предност од 16:19.
Во вториот дел таа предност ја одржуваше тимот на Македонија ЃП до 47. минута кога Драчево Јуниор израмни на 26:26, а потоа мечот влезе во вистинска драматична завршница.
Домаќинот имаше и плус два при 29:27, како и при 30:28, а на две минути до крајот 32:32.
Домашниот тим прек гол на Александар Стојменов имаше гол предност 33:32 на минута и пол до крајот, но Михаил Тотиќ израмни на 33:33.
Во следниот напад кој го организираше домашниот тим Теодор Пецаноски постигна гол за 34:33 постигна во 59:01 минута, а само девет секунди подоцна Бојан Чакалиќ беше прецизен за 34:34.
Драчево Јуниор повика тајм-аут, но потоа не успеа да реализира и исходот беше делба на бодовите.
Теодор Пецаноски беше прв стрелец со седум гола кај Драчево Јуниор, кај Македонија ЃП се истакна Бојан Чакалиќ со 13 гола.
Вардар Неготино немаше никакви проблеми и го декласираше Шампион со резултат од 12:42.
Ѓорѓи Орешков со осум гола беше прво име кај Вардар Неготино, а го следеше Костадин Петров со седум гола, кај поразениот тим со по три гола се истакнаа Давид Јовчевски и Андреј Лефтеров.
