ИнтернационалциФудбал

Стефан Ашковски се враќа во Србија – ново засилување на Раднички Ниш

Сподели
ФОТО: ФК Раднички Ниш
Сподели

Македонскиот репрезентативец Стефан Ашковски и официјално е нов фудбалер на Раднички Ниш. 29-годишниот офанзивец повторно ќе настапува во Србија, земјата каде што ја започна својата професионална кариера.

Ашковски доаѓа од кипарскиот Етникос Ахна, а претходно има настапувано и во Турција, Холандија, Полска, Бугарија, Романија, Грција и Ерменија. Неговата кариера започна во Партизан, по што следуваа ангажмани во Шкендија, Ерчијеспор, Фортуна Ситард, Горник Лежна, Славија Софија, Ботошани, Сепси, Ламија, Алашкерт, Шанлиурфаспор и Етникос Ахна.

„По една деценија, повторно сум во Србија, во Раднички од Ниш, и можам да кажам дека сум пресреќен што сум тука. Раководството на клубот, првиот човек Ивица Тончев, сакаше да дојдам во Раднички пред две години, но имаше проблеми со документацијата. На наше заедничко задоволство, сега сè е во ред. Раднички е клуб со богата историја, традиција и има свои навивачи. Луѓето од Ниш го сакаат фудбалот, па затоа сум многу задоволен и од тој аспект. Би сакал да постигнам подобар пласман оваа сезона од минатата година. Да стигнеме до плејофот. Моите амбиции и амбициите на клубот се совпаѓаат. Знам дека ќе дадам се од себе на секој тренинг и на секој натпревар за да ги оствариме нашите цели. Досега ја следев Суперлигата, Раднички има добар тим, сега работите почнаа да се подобруваат и верувам дека така ќе продолжи да биде. Дека тимот ќе расте од ден на ден“.

Со своето искуство и офанзивни карактеристики, Ашковски треба да донесе свежина и дополнителен квалитет во тимот на Раднички, кој има амбиции за повисок пласман во српскиот шампионат.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Кошарка

МЗТ Скопје доби нов тренер – искусниот Дејан Мијатовиќ го презема македонскиот шампион!

Актуелниот македонски кошаркарски шампион МЗТ Скопје Аеродром го реши прашањето околу новиот шеф на стручниот штаб. Искусниот српски стратег Дејан Мијатовиќ е назначен...

Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со максимални 3:0 во сетови во рамките на 4. коло на Првата...

Поврзани написи
Фудбал

Чеферин: Со Масар имаме одлична соработка, македонскиот фудбал е во добри раце

Претседателот на Европската фудбалска унија (УЕФА), Александар Чеферин, во интервју за Фудбалската...

ФудбалЧетврта лига

Спортска Мрежа дознава: Готен службено го доби мечот со Слога Злеово, три бодови во Подареш

Според ексклузивно информации на Спортска Мрежа вечерва и официјално беше донесена одлука...

Прва женска фудбалска лигаФудбал

Тиверија Брера како апсолутен фаворит против „фенерџијата“ Кочани, Скопје ќе го пречека Вардар

Викендот со мечевите од 14. коло завршува есенската полусезона во Првата женска...

✕
error: Содржина е заштитена! Се забранува копирање на истата!