Петтата рунда од Првата женска фудбалска лига ќе се игра во два денови, а колото се отвара в недела со три натпревари, а се затвара дури во среда (17 септември) со останатите два натпревари. Познати се и судиите кои ќе ја делат правдата на натпреварите од 5. коло.
Речица на домашен терен ќе игра против Тиверија Брера, каде главен судија ќе биде Спире Арсов од Кочани, а ќе му помагаат Снежана Илиевска од Македонска Каменица и Богданчо Ѓеоргиев од Кочани.
Контролор на натпреварот ќе биде Билјана Миланова од Свети Николе.
Во Струга екипата на Ас Јунајтед како фаворит ќе игра против битолски Топ Гол, а правдата ќе ја дели Димитар Левески од Охрид.
Негови помошници ќе му бидат Стефан Петрушевски и Мишо Ѓорѓиески од Охрид, а пак Марјан Ецкоски од Охрид ќе биде контролор.
Во Пржино ќе се игра дерби меѓу Истатов и Каменица Саса, а за правдата ќе биде задолжен Бењамин Ќерими од Скопје, а помошници ќе бидат Филип Ицковски од Скопје и Татјана Ивановска од Куманово.
Контролор на овој натпревар ќе биде Драган Ристовски од Куманово.
Во среда ќе се одигра дербито на двете засега максимални екипи шампионот Љуботен и Скопје. Вјолца Изеири од Гостивар ќе биде главен судија, а нејзини помошнички ќе бидат Елена Соклевска Илиевски и Тамара Цветановиќ од Скопје.
Контролор на средбата која се игра во Тетово ќе биде Душко Милошески од Скопје.
Дербито од дното за прва сезонска победа на Вардар и Кочани ќе го суди Ангела Рајчевска од Скопје, нејзини помошнички ќе бидат Цветанка Савеска од Јегуновце и Тамара Астарџиева од Скопје. Контролор ќе биде Орданчо Ангелов од Неготино.
