Новата сезона во Третата македонска фудбалска лига – Запад ќе започне овој викенд со натпреварите од првото коло.
Во новата сезона во Трета лига – Запад ќе настапат 12 екипи, а шампионот обезбедува бараж за можен влез во Втората лига.
Во новата сезона ќе настапат Љуботен, Вардар Брвеница, Влазерими, Доброшти, Дрита, Зајази, Камјани, Напредок од Кичево, Ренова, Речица, Џепчишти и новиот третолигаш Скендербеу.
Првото коло ќе се отвори веќе утре, со натпреварот меѓу Речица и Зајази, а пак останатите мечеви се играат во недела.
Напредок во Кичево ќе игра против Вардар Брвеница, Скендербеу ќе се соочи со некогашниот прволигаш Ренова, а пак Влазерими ќе игра дерби со Џепчишти во Кичево.
Екипата на Дрита ќе се соочи со Камјани, а пак Доброшти ќе игра со Љуботен.
