Утре на програмата ќе бидат натпреварите од 4. коло на Првата женска фудбалска лига, познати се и судиите кои ќе ја делат правдата на петте натпревари.
Во Струмица ќе се одигра дерби на Тиверија Брера и Истатов, а за правдата ќе биде задолжен Јордан Јовановски од Гевгелија со неговите помошници Стефан Митров и Иван Танев, исто така од Гевгелија.
Контролор ќе биде Васил Аџиев од Валандово, а мечот започнува во 12 часот.
Во Македонска Каменица фаворитот Каменица Саса ќе го пречека дебитантот Вардар, а за правдата ќе биде задолжен Боби Величков од Велес. Негов прв помошник ќе биде Александар Ајдрав од Велес, а пак втор помошник Душко Панов од Кавадарци.
За контролор е делегиран Орце Стефановски од Кратово, а мечот започнува во 16 часот.
Повратникот во елитата, Кочани на домашен терен ќе игра против фаворитот Ас Јунајтед, а ќе им суди Ангечо Ристов од Неготино, со неговите помошници Зоран Ангелов од Неготино и Давор Дишлиевски од Кавадарци.
Билјана Миланова од Свети Николе ќе биде контролор, а средбата ќе стартува во 16:30 часот.
Во Битола ќе се сретнат Топ Гол и шампионот Љуботен, а главен судија ќе биде Влатко Илиоски од Прилеп, а негови помошници ќе бидат Ангела Домазетовска од Битола и Иле Мишески од Прилеп.
За контролор е делегиран Љубе Ристевски од Прилеп, а мечот ќе започне во 16:30 часот.
Во Пржино ќе се соочат Скопје во улога на фаворит против Речица. За правдата ќе биде задолжена Вјолца Изеири од Гостивар, а нејзини помошнички ќе бидат Елена Соклевска Илиевски и Тамара Цветановиќ од Скопје, додека пак контролор ќе биде Небојша Ѓорѓијевски од Брвеница.
Натпреварот ќе започне во 17 часот.
