Познати се судиите кои ќе ја делат правдата на натпреварите од 3. коло на Втората македонска фудбалска лига.
Колото се отвара утре, сабота, со седум натпревари, а ќе се затвори во понеделник со натпреварот во Штип.
На Градскиот стадион во Радовиш ќе се соочат Детонит Плачковица и Слога Виница, каде главен судија ќе биде Бењамин Ќерими, а негови помошници ќе бидат Филип Ицковски и Бојан Иваноски, а пак четврт судија ќе биде Нинослав Нанков, сите од Скопје.
Делегат на мечот ќе биде Дарко Китановски од Скопје, а контролор Бурханедин Салихи од Куманово.
Натпреварот меѓу Големо Коњари и Беласица ќе го суди Ангелчо Ристов од Неготино, а негови помошници ќе бидат Ване Дупкаров и Ване Данилов од Неготино, за четврт судија е делегиран Дарко Котевски од Битола.
Никола Мицановски од Скопје ќе биде Делегат, а пак Зоран Стефанов од Кавадарци ќе биде контролор.
Дербито на колото ќе се игра на стадионот „Железарница“ каде ќе се соочат Скопје и Шкендија Арачиново, а довербата да ја дели правдата ја доби Игор Стојчевски.
Негови помошници ќе бидат Гоце Петрески и Бранко Путилин, а пак четврт судија ќе биде Дарко Стојчевски, сите од Скопје.
Делегат на натпреварот ќе биде Васко Бошевски од Битола, контролор Бранко Величковски од Крива Паланка, а пак Мурат Исени од Куманово ќе биде комесар за безбедност на ФФМ.
На стадионот „Билјанини Извори“ ќе се соочат Охрид и Осогово, а главен арбитар ќе биде Дејан Младеновски од Скопје. Негов прв помошник ќе биде Куштрим Лика од Кичево, а пак Дејан Димитријевиќ од Скопје ќе биде втор асистент.
Александар Василевски од Скопје ќе биде четврт судија. Делегат на средбата ќе биде Мерсим Зендели од Гостивар, а пак Зоранчо Илиевски од Битола ќе биде контролор.
На Градскиот стадион во Ресен ќе се соочат Преспа и Победа, главен судија ќе биде Дени Лековски од Битола, а негови помошници ќе бидат Петар Степановски и Николче Дрнковски, а пак Благојче Ралевски ќе биде четврт судија, сите од Битола.
Сафет Мифтари од Боговиње ќе биде делегат, а пак Марјан Ецкоски од Охрид ќе биде контролор.
Судиските тим од Штип ќе ја дели правдата на мечот меѓу Каменица Саса и Кожуф. Главен судија ќе биде Крумислав Ѓоргиев, а негови помошници ќе бидат Ристо Ѓоргиев и Александар Гигов, а пак Димитар Пилешков ќе биде четврт судија.
Трајче Шопов од Велес ќе биде делегат, а пак Сашко Ангелов од Кочани ќе биде контролор.
Борче Павловиќ од Скопје ќе им суди на Новаци и Вардар Неготино, а ќе му помагаат Стефан Стојановски и Иван Ивановиќ од Велес. Четврт судија ќе биде Ненад Тодоровски од Скопје.
Дритан Бакали од Дебар ќе биде делегат, а пак Илчо Јордановски од Прилеп ќе биде контролор.
Колото ќе се затвори во понеделник со мечот меѓу Брегалница и Тетекс, а кој ќе го суди Доне Ристовски од Гевгелија а пак негови помошници ќе бидат Иван Танев и Стефан Митров од Гевгелија, а пак четврт судија ќе биде Јордан Јовановски од Гевгелија.
Драган Иванов од Скопје ќе биде делегат, а пак Џенан Хајдари од Скопје ќе биде контролор.
Сите натпревари ќе започнат во 16 часот.
