Вечерва се игра големото финале од меморијалниот турнир „Крсте Андоновски“ во СЦ „Билјанини Извори“, каде копјата ќе ги вкрстат домаќинот Охрид и македонскиот шампион Еурофарм Пелистер.
Ракометарот на Охрид, Дејан Кукуловски во изјава за Спортска Мрежа истакна дека сè уште се подготвуваат и дека е потребно време за да се вклопат бидејќи има доста нови играчи.
Кукуловски, исто така за Спортска Мрежа го најави и финалето со Еурофарм Пелистер, а тој истакна дека Охрид оди да го освои турнирот.
„Сè уште е подготвителен период, сè уште се подготвуваме, потребно е уште време за да се вклопиме… имаме сосема нов тим, со доста нови играчи. Вечерва одиме на победа, се знае дека сигурно ќе биде тежок натпревар, но ќе го дадеме максимумот од себе и да се надеваме дека ќе го освоиме и овој турнир“, вели Кукуловски пред финалето со Еурофарм Пелистер за Спортска Мрежа.
Големото финале започнува во 20 часот.
