Со извлекувањето на ждрепката за новата сезона во Третата македонска фудбалска лига – Исток, познати се двојките за првото коло.
Некогашниот прволигаш Хоризонт Турново сезоната ја отвара против Дојранско Езеро, Рудар кој прави кам-бек по една сезона ќе биде домаќин на Малеш од Берово, а пак во Свети Николе ќе се соочат Овче Поле и струмичка Тиверија.
Во првото коло ќе го гледаме и големото дерби во Зрновци каде ќе се судрат Светлост и Карбинци, а пак во Пирава на мегдан одат домаќинот Ударник и Брегалница од Делчево.
Тоа што го ексклузивно го најави Спортска Мрежа и се потврди, ланскиот второлигаш Вардарски нема да продолжи со натпреварување, па со тоа во рамки на првото коло екипата на Победа од Валандово која по неколку години се врати во Трета лига – Исток во првото коло ќе биде слободна.
Во новата сезона која започнува на 7 септември ќе се натпреваруваат 11 екипи, а шампионот игра бараж за можен влез во Втора лига.
