Фудбалските возбудувања на турнирот во мал фудбал „Богородица Куп 2025“ во Волино продолжија и вечерва со четири интересни натпревари кои донесоа голема неизвесност и многу голови.
Во првиот дуел, Хотел Тино и Том гор одиграа нерешено (2:2) во еден крајно израмнет натпревар. Сатеска ја оправда фаворитската улога и со убедливи 5:2 ја совлада екипата на Искра, покажувајќи моќна игра во нападот.
Голема борба се водеше и меѓу Ескобар и Екстра Скопско, натпреварот заврши без победник (2:2), што најдобро ја отсликува рамноправноста на теренот.
Во последниот меч од вечерта, Др Баткоски ја победи екипата на Компани Стојкоски со сигурни 4:1, ставајќи до знаење дека ќе биде сериозен конкурент за висок пласман.
Публиката и љубителите на фудбалот повторно ќе уживаат во четири возбудливи дуели кои на програмата се утре.
20:00 Брумел – Новапор
21:00 Плажа Канео – Бел Мерцедес
22:00 Сатеска – Екстра Скопско
23:00 Гранит Х – Кибо пласт
Се очекува уште една вечер исполнета со динамика, добри потези и борба за секој бод.
Спортска Мрежа годинава по првпат е медиумски покровител на овој спортски настан.
