ФК Пелистер утре ќе гостува кај Брера во Струмица во рамките на второто коло од Првата македонска фудбалска лига. Двете екипи на стартот на шампионатот доживеаа убедливи порази, па сега имаат шанса да се борат за првите бодови и да го подобрат стартот на новата сезоната.
Во пресрет на утрешниот дуел кој е закажан во 17:00 часот во Струмица, своите очекувања ги изнесе тренерот на зелено-белите, Димитар Капинковски:
„Првенството е на самиот почеток. Генерално, сите екипи, освен оние што имаа настапи во Европа, сè уште се компонираат и ги играат своите први натпревари. Поради тоа сметам дека барем на стартот шансите за позитивен резултат се 50/50.
Ние, како ФК Пелистер, на секој натпревар се подготвуваме максимално, без разлика на противникот, и секогаш ќе се стремиме кон позитивен резултат. Преодниот рок трае до 7 септември и останува можноста да донесеме играч кој би придонел за реализација на зацртаните цели“, изјави Капинковски.
Главен судија на мечот е Ѓоргиев Крумислав (Штип), прв помошник е Петковски Мартин (Куманово), втор помошник Гигов Александар (Штип), за четврти судија е назначен Тефику Ндерим (Куманово). Во вар собата ќе бидат Салихи Пларент (Тетово) и Изризи Фуркан (Тетово), делегат на мечот е Игнатов Павле (Пробиштип) а контролор Шуклев Благој (Стојаково).
