Суперлигашот Радовиш забележа висока и убедлива победа на пријателскиот натпревар со прволигашот Текстилец од Штип, на тестот кој се играше во СРЦ “25 Мај” беа постигнати 85 погодоци, а радовишани беа подобри со 52:33.
На полувреме Радовиш имаше висока предност од 23:14 што беше најава за меч со многу погодоци и голема победа на суперлигашот, пред се поради големата разлика во квалитетот.
Следен сериозен тест за Радовиш ќе биде во сабота против амбициозниот прволигаш Младост од Богданци, а ќе се игра во СРЦ “25 Мај”, а ќе има и возвратен пријателски меч во Богданци.
Новата сезона во Суперлигата започнува на 6 односно 7 септември, а истата Радовиш ја отвара со гостување кај Куманово.
Првата лига започнува на 13 односно 14 септември, а Текстилец истата ја отвара на домашен терен во Штип против Аеродром.
