Македонската фудбалска легенда Вујадин Станојковиќ се враќа во клубот каде што оствари значајни успеси во својата кариера — српскиот гигант Партизан.
Шеесет и еден годишниот кумановец ќе биде дел од новото собрание на белградските „црно-бели“, чиа седница е закажана за 2 јуни. Станојковиќ ќе биде едно од бројните звучни имиња што ќе влезат во новата структура на клубот, кој настојува да ја врати традицијата и кредибилитетот преку ангажирање на поранешни фудбалери.
Како играч на Партизан, Станојковиќ настапуваше во периодот од 1989 до 1993 година, притоа запишувајќи 110 официјални настапи и оставајќи длабока трага во историјата на клубот. Беше дел од репрезентацијата на поранешна Југославија, а по осамостојувањето на Македонија, го носеше и дресот на македонската репрезентација.
Во изминатите години, Станојковиќ работеше како селектор на младинските репрезентации на Македонија, каде со своето искуство активно придонесуваше за развојот на млади фудбалски таленти.
Виолета Јанчева, Спортска Мрежа
